Sterker vraag help niks as die aanbod nie ook kan groei nie

KRITICI van aanbodkant-hervormings bepleit gewoonlik dat vraag in die ekonomie liewer gestimuleer moet word. Die idee hier is om rentekoerse in Suid-Afrika laag te hou en vir die regering om terselfdertyd baie meer te bestee om die vraag na goedere en dienste aan te wakker.

Ongeag ideologiese oortuigings is daar darem ooreenstemming tussen die meeste kommentators dat enige verhoging in staatsbesteding meer bronne vir infrastruktuurverbetering moet insluit. Die vraagkant-ondersteuners meen egter die regering moet baie verder as dit gaan en byvoorbeeld ook ’n basiese inkomstetoelae instel. Die hoër vraag wat in reaksie hierop sou volg, sal daartoe lei dat maatskappye hul produksie uitbrei en ’n vermenigvuldigingseffek aan die gang sit wat tot hoër ekonomiese groei en indiensneming sal lei.

Vraagstimulering kan platval..