Dollar is kop-af, maar die einde gaan nie oornag wees nie

WAT is die waarde van die rand op die oomblik dat jy hierdie lees?

’n Presiese antwoord is onmoontlik, want daar is te veel veranderlikes, en elkeen van hulle verskil van sekonde tot sekonde. Die rand gaan byvoorbeeld nie dieselfde waarde hê vir ’n Suid-Afrikaner wat vanoggend selfone uit China wil bestel as vir ’n Britse toeris wat wil weet hoeveel sundowners sy vanaand vir ’n pond op Laer-Sabie se dek kan kry nie.

Daarom is dit nuttig om ’n maatstaf te hê wat darem by benadering 'n antwoord op ons vraag kan gee, en wat nie drasties sal verskil afhangende van die tyd van die dag of waar op die planeet ons ’n transaksie wil doen nie. Die beste sodanige maatstaf wat ons die afgelope dekades het, is die Amerikaanse dollar. Met die greenback kan jy enige tyd van die dag en enige plek op die aardbol enigiets koop van olie uit Luanda tot goud uit Benoni tot ’n mail-order bride uit Moskou...