“BLY sit jy net dóódstil hier op die stoep,” sê my Ouma Ellie. Ons sit en kuier soos baie smiddae en eet haar tuisgebakte Smuts-koekies. Sy drink tee wat sy op die “regte manier maak”, en ek kry ’n bederfkoeldrank: Een van my Oupa Hendrik se cocktail Cokes, in so ’n klein botteltjie.

Dan draai Ouma haar oë wysend na waar die leiklip-paadjie die huismuur ontmoet. Oorkant in die bedding blom haar petunias, leeubekkies en kappertjies. Haar oë rek.

Daar lê hy. Lank en uitgestrek. Dit lyk of hy slaap in die son. ’n Swart mamba...

DEEL