×

Ons het nuus vir jou.

Registreer gratis op Vrye Weekblad en ontvang nuusbriewe per e-pos, lewer kommentaar en meer.
Registreer nou
Laatmiddag in ’n restaurant in boere-Italië

OP SOEK NA SY KINDERJARE

Laatmiddag in ’n restaurant in boere-Italië

Die kunstenaar HENK SERFONTEIN vat 'n Uber Parow toe. Al met Voortrekkerweg na boere-Italië waar hy hoop om wie weet wat te kry uit ’n besoek aan die ikoniese Harlequin-restaurant.

DIS Dinsdag en ek volg my Uber-bestuurder se motor op my foon se skerm. Ek wonder hoe ene Daddy met sy Suzuki sal lyk. Dis 'n snikhete middag in die stadskom van Kaapstad. Die Uber hou stil en Daddy in sy vrolike Mandela-hemp van shweshwe-katoen groet my toe ek agter inklim. Op die radio verwissel 'n Nigeriese priester se stem rat na 'n hoër oktaaf en ’n lang uitgerekte “Jeeezas”. So word ek uitgelewer aan Daddy en Jesus om my veilig by my bestemming te kry: Wat ek daarvan onthou, is ’n pronkplek met die naam Harlequin uitgespel teen ’n retro gebou in Voortrekkerweg, Parow. Kompleet 'n nokturniese skildery met die bekoring van 'n diner deur Edward Hopper.

Die laatmiddagverkeer is rof en 'n taxi swaai voor ons in toe ons verby die Katzenellenbogen-hoek van die Kasteel de Goede Hoop ry. Die taxibestuurder se regterarm hang by die venster uit, siegret in die hand met 'n tatoe van 'n skedel en 'n mes met 'n druppeltjie bloed.

Ek sien die Locomotive Hotel toe ons by die Soutrivier-sirkel links swenk. Dis die begin van Voortrekkerweg en ons ry verby die ikoniese Koeberg Fisheries met sy blou Fried Fish & Chips-reklamebord. 'n Sweempie sout en asyn tref my neus. Daar is die poskantoor en 'n R5-winkel, Liverpool Supermarket waar jy airtime kan koop. Oorkant Zanzibar Barber verkoop iemand vars mielies wat nog hul blare en baard aan het...

Slegs Vrye Weekblad-intekenaars kan hierdie artikel lees.

Teken nou in vir volle toegang tot alle Vrye Weekblad-inhoud. Daar is ’n spesiale tarief vir pensioenarisse.

Reeds ’n intekenaar? Kliek “Meld aan” om voort te gaan

Het jy ’n intekenbewys? Gebruik dit nou.

Vrae of probleme?
E-pos hulp@vryeweekblad.com of skakel 0860 52 52 00.

X