Kuns en wyn in die Tulbagh-vallei

DIE twee kêrels met hul Jan van Riebeeck-uitrustings (veerhoede ingesluit) op die ou etikette het destyds al bietjie oudoos gelyk. Maar vir ons stoute oë was daar tog iets amusant, straks uitdagend aan die wuiwende arms van die Twee Jonge Gezellen van Tulbagh.

So ’n paar dekades gelede het almal die wyne van Twee Jonge Gezellen gedrink. Ons het bespiegel oor die oujongkêrels se doen en late in daardie mistige wyngeskiedenis van vroeg in die 18de eeu. In die misterie van die Kaap se wynstorie weet niemand tot vandag wie hulle regtig was nie.

Ons weet hulle was Hollanders wat in 1710 se omgewing die Kaap en die pragtige Tulbagh-vallei aangedoen het. Was hulle meer as boesemvrinne of was daar groter geheime agter die wynplaas met sy koddige naam wat een van die bekendstes in die Kaap sou word?..