Vriende, Pretorianers, landgenote: Ek is hier om die Bulle te prys, nie te begrawe nie

EK het pas Sondagaand dié storie begin met hoedat Leicester se Brendan Rodgers die 11de bestuurder van ’n sokkerspan in die Engelse Premierliga geword het wat in die pad gesteek is, toe tjorts Chelsea se Graham Potter ’n paar uur later en raak dit 12 van hulle wat reeds hierdie seisoen vir ’n UB40 kwalifiseer het.

Chelsea en Southampton het albei reeds twee afgedank, maar daar is net 20 spanne. Met sowat ’n kwart van die seisoen oor het die helfte van die Premierligaklubs reeds hul bestuurder die deur gewys. Rugbyafrigters het dit relatief maklik.

Oeps, het ek gesê UB40?..