Sosiale media, die nuttige monster

SOSIALE media is ’n bietjie soos alkohol. As jy dit reg en verstandig gebruik, kan dit jou lewensgehalte verbeter. As jy roekeloos daarmee omgaan of ’n verslawende persoonlikheid het, kan dit jou lewe hel maak.

Facebook, Twitter, Instagram en YouTube is tegelykertyd ’n ernstige bedreiging vir demokrasieë wêreldwyd én ’n kosbare bron van inligting en menings wat andersins gesensureer sou gewees het.

Ongelukkig lyk dit asof dit in die aard van die dier is dat sosiale media ’n ideale ekostelsel vir haat, onverdraagsaamheid, goedkoop populisme en samesweringsteorieë bied...