Pasop vir Greta en Cupido se verskuilde agendas

IS dit net ek, of kry almal hate mail op Valentynsdag? Doodsdreigemente? Amper altyd van dieselfde mense, maar soms word ek verras deur ’n vars korrespondent.

Die getalle het gekrimp, maar die volume is opgecrank. Darem meestal email, behalwe van die enigste persoon wat tot nou toe oor haatspraak van Spotify afgeskop is.

Ek het ses keer getrek die laaste paar jaar, so ek skat die dae van antraks-koevertjies in die pos is verby. Spoiler alert: Dit was toe net babapoeier, wat mens natuurlik nog groter laat skrik...