EFF word bedreig, maar dis g’n goeie nuus

AS dit vir jou belangrik is om diep, donker scenario’s teen die mure van Jerigo te verf, is die Suid-Afrikaanse politiek ’n uitnemende wegspringplek vir jou. Die Brenthurst-riel van Magnus Heystek se toondoof dreunsang is daarop gemik om die brose middelklas met doodsvrees te vervul. Die Afrofobiese, mislukte staat sypel oor die drempel van Waterkloofrif en jou spaargeld is veiliger in ’n bachelor pad twee kilometer van die see af in Mauritius as aan Hermanus se gouemyl-kuslyn.

Jy kan natuurlik ook soos Helen Zille aanvoer dat dit meer godsalig is om arm te wees in Langa as in Diepkloof: nog ’n vorm van relatiewe deprivasie met die politieke verligting van ’n plasebo. Of jy kan inkoop by Steve Hofmeyr se verklaring vir die plus van LGBTQI as ’n carte blanche-soöfiliespyskaart.

Grondwet wesenlik beskadig..