Bemagtigingsgesprek in Uniegebou baar ’n muis

ONS moet seker toegee dat sedert pres. Cyril Ramaphosa die leisels geneem het, daar tóg soms na van die ANC en die regering se heilige koeie verwys word, al word hulle nie geslag nie.

Hoe meer jy deel word en is van die gesprek oor dit wat verkeerd is aan ons manier van dink en doen, hoe moeiliker word dit om nie sinies te wees oor Suid-Afrikaners se vermoë of selfs behoefte om ’n konsensus of kompromis oor brandende vraagstukke te bereik nie. 

Die gerug doen die ronde dat die ANC – of dalk eerder die regering – wik en weeg oor hoe bemagtiging voortaan beplan, bestuur en geïmplementeer moet word. Die oorspronklike doelstellings van ekonomiese groei, werkgeleenthede en groter gelykheid word onder die maatemmer uitgegrawe, afgestof en opnuut oorweeg. ..