Ontmoet minister Hosh Tokolosh

DIS welbekend: ’n Profeet word nie in sy eie land geken nie, en só is dit toe ook met Jack Parow. Hy het sy dissipels, goed en wel, maar wie kon dink hy sou Suid-Afrika se ondergang in soveel detail kon voorspel, en die voorste boosdoener so raak kon beskryf?

Dis nou die afgryslike gediertetjie in die steelfoto hiernaas – eksklusief aan Vrye Weekblad.

Die slymerige klein woestaard is net nou die dag deur pres. Cyril Ramaphosa heraangestel as minister van minerale en energie tydens die langverwagte kabinetskommeling, wat seker maar die halfhartige soort geskommel is wat mens van ’n lewensmoeë, 70-jarige skommelaar kan verwag...