Ware dapperes is dié wat vir geregtigheid en waarheid opstaan en waag

DIE mensdom doen dit al eeue lank: noteer die geskiedenis aan die hand van helde. Skurke ook, maar veral helde. En meestal militariste – Spartakus, Attila die Hun, Alexander die Grote, Oliver Cromwell, Napoleon, koning Shaka, Christiaan de Wet, Robert E. Lee, Erwin Rommel en so aan.

Dit is seker verstaanbaar dat ons mense wat as dapper beskou word, wil onthou. Maar as ons dapperheid met verowering en oorlog gelykstel, perpetueer ons ’n ou romantisering van geweld.

’n Soldaat (of generaal) wat nié “dapper” is nie, is ’n mislukking – dit is ’n beroep wat eis dat jy jou lewe waag en dié van ander neem...