In die middel van stomp voorwerpe en bloedige gevegte

EK onthou prof. Barney Jordaan van die onstuimige laat-80’s aan die Universiteit Stellenbosch (US). Hy was een van die leftie-akademici – regsprofessor met ’n kantoor in die lieflike ou Hoofgebou, maar ook betrokke in menseregtewerk by die dapper klein regsfirma Chennells Albertyn. Vier-en-dertig jaar later het baie dinge vir Jordaan verander.

Hy is nou ’n professor in die bestuurspraktyk van onderhandeling en bemiddeling aan die Vlerick-sakeskool in België, een van Europa se 20 topbesigheidskole (maar ook steeds ’n sogenaamde buitengewone professor aan die US).

“Dit beteken maar net dat ek nie op die permanente personeel is nie,” lag hy. “Nie dat ek buitengewoon is nie.”..