Ken jou (dis)informant 101: die boere-‘profeet’ en haar ...

IN DANIËL SE KUIL

Ken jou (dis)informant 101: die boere-‘profeet’ en haar ‘remote-kill’-visie

'n Stemboodskap deur 'n boere-‘profeet' wat mense waarsku dat die Covid-entstof eintlik 'n ‘tipe remote-kill button' is om ‘nasies' uit te wis het hierdie week soos 'n veldbrand in sekere dele van die Afrikaner-gemeenskap versprei. Toe 'n opholgejaagde familielid haar daaroor vra, het ANNELIESE BURGESS besluit om uit te vind wie presies agter dié aansteeklike stuk disinformasie sit. En hoekom glo mense dit?

“Goeiemôre groep en volksgenote. Dit is vandag 25 Junie. Hierdie audio is 'n bietjie overdue ... Ek wil hê jy moet hom stuur. As jy nou geluister het en dit maak vir jou sin, stuur hom maar vir 'n vriendin, vir 'n onderwyseres wat jy miskien ken, vir 'n polisieman, vir 'n persoon in die weermag. Miskien kan ons nog 'n paar red ..."

DÍT is hoe die stemboodskap begin. Soms kraak haar stem van emosie. Twintig minute lank rol die waarskuwings oor die gevare van (enige) Covid-entstof en apokaliptiese beelde van massadood uit haar mond. Sy eindig met die volgende stelling as feit: dat die Covid-entstof “'n plan is om van die populasie ontslae te raak met 'n tipe remote-kill button".

Haar hart is verskriklik seer, sê sy, want daar is net 'n handjievol mense (soos sy) wat bereid is om die waarheid te verkondig: “Ons totale lewe wat ons het, gaan verander. Want daar gaan nie susters en dokters en hospitale wees wat funksioneer nie. Daar gaan nie polisie en weermag wees wat funksioneer nie. Op die ou einde sal daar nie onderwysers of skole wees wat funksioneer nie want daar gaan net nie genoeg van hierdie professionele persone wees nie ... Daar sal 'n nuwe tydperk vir die aarde aanbreek. Bo en behalwe die ander veranderinge. Daar sal nie genoeg boere wees om te produseer nie. Die lewe soos ons dit ken, soos wat jy dit vandag ken, gaan totaal verander."..

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.