Oor #VaxenRelax, Volume en ’n Live launch by Die Fort

OP hulle Facebook-blad is Die Heuwels Fantasties heeltyd aan die woel. In hierdie voortslepende goor tyd vir muso's beur hulle fluks voort. In Junie tease hulle hul fans oor die maak van ’n remix-video van een van hulle gewildste tracks, “Shangri-La”, saam met die DRK-gebore sanger Tresor. Dis lekker; die visuals is lekker. Dis trouens een van my gunstelingsnitte van Heuwels. Almal sien uit, soos hulle uitsien na die groot live vertonings wat weer kom, daai tipe vertonings waar mens kan crowd surf en sweterig skouer aan skouer kan staan met jou mede-musiekmaniakke.

Dan, êrens rondom die middel van nog ’n vreemde vreemde jaar vir performers, gooi hulle aas in die water vir hul nuwe album, Volume. Nog ’n video, “Goeiemôre Suid-Afrika”, tref die internet. Dis ook ’n collab, dié keer saam met die musikale duo Gazelle. Dis een van die snitte op Volume, wat 22 Oktober drop en wat op die laaste dag van die mooiste, mooiste maand met groot hoeha by Die Fort, net langs die Voortrekkermonument in Pretoria, bekendgestel word. Daar is ander groot name by die opskop. Coenie de Villiers. Refentse. Early B.

Kreatiewe kruisbestuiwing..

DEEL