Gatskopsusters van die silwerskerm

DAAR is min dinge in die lewe lekkerder as fliek. En vir my is daar min flieks lekkerder as ’n fliek met een van my susters as die karakter wat dinge laat gebeur. Veral as sy ’n paar gatte skop.

Ons het almal grootgeword met ’n dieet van flieks met ’n aantreklike, sterk, slim en vindingryke hoofseun in die hoofrol. Die vroue staan gewoonlik rond in skrapse klere, hang soos ’n handsakkie aan die hoofseun se gewrig of hou sy kooi warm. As daar probleme kom, deel die held die opstoppers uit, terwyl die “heldin” gewoonlik eenkant staan en skree soos ’n papegaai wat ’n stukkie pynappel soek.

Sarah Connor en daardie haelgeweer..