Om anderpad te kyk as gruweldade gepleeg word

SAL JY INGRYP?

Om anderpad te kyk as gruweldade gepleeg word

Kan ons hulp verwag as ons in die openbaar aangeval word? Ná 'n gru-aanval in New York in die 1960's is die teorie van die ‘omstander-effek’ ontwikkel, wat maar 'n droewige prentjie van die mensdom skep. Maar, skryf die sielkundige LOUIS AWERBUCK, ons is in werklikheid nie altyd almal so nie.

OP hoërskool het almal vir Gompie geterg en getreiter. Die aanvanklike sneller hiervoor was seker sy bril se dik, swaar lense wat sy oë abnormaal groot en verbaas laat vertoon het, of sy struikelende manier van loop, of sy giggelgeluide.

Gompie het week in en week uit onder meedoënlose poetse, draakstekery en afknouery deurgeloop. Dit was 'n alledaagse verskynsel dat Gompie in die skoolrye gepootjie is, of op 'n koue wintersoggend met 'n wysvinger agter die oor geskiet is. Sy tas het gereeld verdwyn of is met insekte gevul, en in die koshuis kon hy nooit rustig slaap nie. 

Gompie is dus per definisie erg geboelie. Dit het aangehou tot in matriek, toe 'n onderwyser ons eendag in Gompie se afwesigheid bymekaar geroep en onder skoot gekry het. Die onderwyser het gevra hoe elkeen van ons sou voel om só behandel te word. Lafhartig, het hy ons genoem. Ruggraatloos. Wat sê dit van jou as jy jou verlekker in ander se leed of vernedering, het hy gevra en met minagting na ons gekyk. Is daar nie eens een van julle wat genoeg trots het om nie soos 'n klomp stom hoenders op die swakste te pik nie, het hy beskuldigend gevra en só 'n spieël van ons laakbare tropgedrag voorgehou...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.