Die wêreldklas-blom uit beton wat keer op keer die kol tref

DIS soos 'n madeliefie wat uit die beton groei, verduidelik die man met die kaalgeskeerde kop en getatoeëerde linkerarm. Devon Petersen is homself aan die beskryf, of in elk geval sy merkwaardige prestasies en vordering die laaste paar maande in die corona-tyd van inperking. Hy het die kans gekry vir “introspeksie" en “nabetragting" – en dít was 'n goeie ding, sê hy. 

Dis verrassend, selfs onthutsend, dat een van die sterre van dié mees macho en testosteroongevulde van sportsoorte (kom ons noem dit argumentshalwe vir eers 'n sport) sommer reg aan die begin van die Zoom-gesprek so digterlik raak. 

Maar dan is die 34-jarige Petersen, die outjie van Mitchells Plain en deesdae van die post-industriële stad Bradford in die noorde van Engeland, een van 'n nuwe geslag beroepspelers wat veerpyltjies uit sy wit werkersklaswortels van rokerige kroeë met bierbevlekte matte tot by volgepakte arenas gesleep het en die geld laat inrol vir TV-kanale...

Deel