Die oorlog was verby, maar die ellende en verdeeldheid het nog net begin

DIE oorlog se letsels was oral op die dor landskap te sien. Duisende skedels en beendere van die skape en beeste wat deur die Britte keelaf gesny is. Op party plekke het die bene nog net so in die klipkrale gelê. Tienduisende perde en muile het op die plek van uitputting en wanvoeding ineengesak.

Dit was soos Esegiël se Vallei van Beendere.

In wat eens die Transvaal (Zuid-Afrikaansche Republiek) en die Oranje Vrystaat was, is 30,000 plaashuise en buitegeboue afgebrand. Gevestigde vrugteboorde is afgekap, gesaaides het in vlamme opgegaan. Soms het die opstalle dae lank gebrand...