TOE ek Anna die eerste keer ontmoet, het sy haar hare in ’n mullet gedra. Dit was 12 jaar gelede voor Die Antwoord beroemd was. In my kop was sy óf zef óf avant garde. Anna sê sy’s al twee. Onwaar volgens my, sy kan bloot zef dóén.

Sy’s ’n klein, eksentrieke Afrikanermeisie met outydse hoflikheid wat in Pretoria-Noord grootgeword het met haar eie stel waardes en beginsels. Sy is konseptueel briljant en leef om haar deur foto’s en beelde uit te druk.

Anna en haar man, Reep, woon in Vredehoek, waar sy soggens vyfuur opstaan (op shoot-dae vroeër) en haar strekoefeninge doen. Sy drink nie, gaan stap met haar kat in ’n harnas en gaan slaap saans vroeg...

DEEL