Om ’n land te bou: die mooi storie van Wandile Sihlobo

WANDILE SIHLOBO, een van Suid-Afrika se voorste landbou-ekonome, het in Lusikisiki in die ou Transkei grootgeword. Dis 'n deel van Suid-Afrika wat in daardie tyd geen sinvolle landbou-aktiwiteit gehad het nie, en ook nie nou nie.

“Wat ek as kind gesien het, was meestal kleinboere, waar jy wonder of dit regtig 'n boerdery is en of iemand net 'n tuin op 'n stuk grond het," sê hy.

Soos baie verstedelikte jongmense het Sihlobo in die stad skool gegaan, maar is hy vakansietye “terug huis toe”. ..