Minder mense en basisse is ál uitkoms vir gekrokte SA Vloot

DOOD IN DIE WATER

Minder mense en basisse is ál uitkoms vir gekrokte SA Vloot

Die eerste van drie nuwe kuspatrollievaartuie van die Suid-Afrikaanse Vloot is verlede week met trompetgeskal by die Victoria & Alfred-waterfront in Kaapstad te water gelaat, maar dis bloot 'n pleister – boonop die verkeerde een – op ’n bose sweer, skryf ERIKA GIBSON.

PROJEK BIRO was al destyds met die multibiljoenrand-wapenskandaal in die vooruitsig gestel as deel van die Vloot se magsontwerp vir die toekoms. Dieselfde skandaal, wat steeds gemoedere opjaag, het destyds gemaak dat dié gedeelte van die Vloot se groter vernuwingsplan vir jare op die ys geplaas is.

Namate die snitte aan die verdedigingsbegroting jaar ná jaar sedertdien eers die vet, toe die senings en toe die been van die Weermag begin wegsny het, het Biro by tye heeltemal weggekwyn totdat dit eers in 2011 en toe in 2018 nuwe lewe gekry het.

Volgens ingeligtes in die Vloot was Biro veronderstel om teen 2010 geïmplementeer te word om die aanvalsvaartuie wat reeds in 1974 aangeskaf is, te vervang. Dié vaartuie het te duur geword om ekonomies in stand te hou. Die destydse gevare van seerowery aan die Somaliese en Mosambiekse kus het die behoefte aan kleiner en meer beweeglike patrollievaartuie na vore gedryf. Die groter (en duurder) fregatte kon nie in die vlakker water jag maak op seerowers, vis- en perlemoenstropers en dwelmsmokkelaars nie...

Slegs Vrye Weekblad-intekenaars kan hierdie artikel lees.

Teken nou in vir volle toegang tot alle Vrye Weekblad-inhoud. Daar is ’n spesiale tarief vir pensioenarisse.

Reeds ’n intekenaar? Kliek “Meld aan” om voort te gaan

Het jy ’n intekenbewys? Gebruik dit nou.

Vrae of probleme?
E-pos hulp@vryeweekblad.com of skakel 0860 52 52 00.

X