TRONK TOE!
Hoe Liegende Lizzie rykes en beroemdes biljoene laat verloor het
Elizabeth Holmes se grootste misdaad is nie dat sy met ’n groot, vet suig uit haar duim biljoene dollar se beleggings gelok en toe vernietig het nie, maar dat sy ’n klompie van die wêreld se slimste, rykste en invloedrykste mense dom en naïef laat lyk het, skryf WILLEM KEMPEN.
TRONK TOE!
Hoe Liegende Lizzie rykes en beroemdes biljoene laat verloor het
Elizabeth Holmes se grootste misdaad is nie dat sy met ’n groot, vet suig uit haar duim biljoene dollar se beleggings gelok en toe vernietig het nie, maar dat sy ’n klompie van die wêreld se slimste, rykste en invloedrykste mense dom en naïef laat lyk het, skryf WILLEM KEMPEN.
Deel
TOT vandag toe is niemand mooi seker hoe ’n Stanford-dropout dit reggekry het om reguleringsowerhede, gesoute waagkapitaliste en politici van albei die groot Amerikaanse partye op so 'n groot skaal om die bos te lei nie. Of hoe sy almal oortuig het dat haar maatskappy, Theranos, ’n bloedtoets ontwikkel het wat met ’n enkele vingerprik ’n hele rits moontlike kwale kon diagnoseer nie.
Teen die tyd dat ’n jurie Holmes verlede week op vier aanklagte van bedrog skuldig bevind het, was daar van Theranos net mooi niks oor nie. Die gesaghebbende saketydskrif Forbes, wat Holmes se persoonlike fortuin op die kruin van haar sukses in 2014 op sowat $4.5 biljoen geraam het, het dit in 2016 herbereken en by ’n volle nul uitgekom. Op die ouderdom van 32 was sy die wêreld se jongste selfgemaakte vroulike biljoenêr; nou het sy nie ’n sent op haar naam nie. Boonop wag tot 80 jaar in die tronk op haar as sy die maksimum straf vir elkeen van die skuldigbevindings sou kry en dit opeenvolgend moet uitdien. Sy sien luidens berigte nie eens kans vir die waarskynliker effektiewe tronkstraf van tussen vyf en 10 jaar nie. (Vonnisoplegging is geskeduleer vir 12 September.)
Holmes het in Washington DC grootgeword (https://www.tatler.com/article/who-is-elizabeth-holmes-the-woman-at-the-centre-of-the-theranos-scandal) as deel van ’n gesin met ou en baie geld. Haar groot-oupagrootjie was Charles Louis Fleischmann, die Hongaars-Amerikaanse stigter van die bekende Amerikaanse suurdeegvervaardiger Fleischmann’s Yeast (https://www.fleischmannsyeast.com/), ’n familie-onderneming met 'n fassinerende geskiedenis (https://www.chowhound.com/food-news/269862/fleischmanns-yeast-history/) wat onder meer lank voor McDonald’s die VSA se eerste eetplek-kettinggroep begin het. Charles se seun Julius, wat in die Prohibisie-jare met die smokkel van whisky sy eie fortuin gemaak het, was glo een van verskeie moontlike inspirasies vir die titelkarakter in F. Scott Fitzgerald se The Great Gatsby. ..
Slegs Vrye Weekblad-intekenare kan hierdie artikel lees.
Teken nou in vir volle toegang tot alle Vrye Weekblad-inhoud.
Reeds ’n intekenaar? Kliek “Meld aan” om voort te gaan
Vir nuwe VWB 3.0-navrae: WhatsApp 071 170 8927 (net vir teksboodskappe) of stuur 'n e-pos aan hulp@vryeweekblad.com.
Verwante Artikels
Hare waai oor 5G en lugvaart in die VSA
Ghislaine se skip het nog lank nie gesink
Brandon Brown en die VSA se bitter regses
Anderkant die waansin wink ’n beter wêreld
Squid Game: Sweetpakke versus die Teletubbies
Deel
-
Deel
-
-
-
-
-
-
Volgende artikelWillem Kempen
Redakteur: DaagliksWillem Kempen is ’n hoofredaksielid van Vrye Weekblad. Hy is ook ’n voormalige redakteur van Finweek.