Wat is die verskil tussen klikaas (clickbait) en bloot ’n prikkelende opskrif by ’n regte nuusstorie?

Verantwoordelike nuusmedia gebruik ook opskrifte en foto’s om jou oor te haal om op ’n storie te klik of na ’n video te kyk, maar klikaas-werwe gaan doelbewus veel verder. Hulle oordryf, hulle mislei, hulle lieg soms blatant, of hulle probeer sensasie skep waar dit nie bestaan nie.

Neem die voorbeeld boaan hierdie rubriek: “Hoe om miljoene uit jou vet pens te maak.” Baie mense sal klik op iets met so ’n opskrif omdat hulle gretig is om uit te vind hoe om baie geld te maak én omdat iemand soos hulleself dit kwansuis reggekry het – iemand wat dalk oorgewig is of in ’n ander opsig iets met hulle gemeen het...

DEEL