12 stukkies van die komplekse Chinese legkaart

* DIE Chinese stad Shanghai is tans die middelpunt van een van die ergste uitbrake van Covid-19 sedert die oorspronklike gevalle meer as twee jaar gelede in Wuhan aangemeld is. Die Chinese regering het hierop gereageer deur die inwoners van Shanghai en omstreke die afgelope sowat drie weke opnuut aan streng en hoogs ongewilde inperkings te onderwerp. China was in die vroeë dae van Covid-19 baie suksesvol met sy inperkingstrategie, maar ál meer kenners meen dit regverdig nie die geweldige ekonomiese koste daarvan nie.

* Xi het dié benadering nogtans vandeesweek verdedig en gesê dit bly die eerste doelwit om sterftes te beperk. Shanghai se strategiese belang as ’n finansiële sentrum beteken dat die gevolge van die inperkingsmaatreëls regdeur die Chinese ekonomie én die res van die internasionale ekonomie gevoel word. Xi is dus onder geweldige druk om die uitbraak onder beheer te kry en die Chinese ekonomie so gou moontlik weer oop te stel.

* Hoewel daar tekens is dat die ergste van die huidige Shanghai-uitbraak dalk reeds verby is, is ’n skerp toename in die getal ernstig siek Covid-pasiënte vandeesweek gerapporteer, wat kommer wek dat verdere sterftes onvermydelik is. Die getal pasiënte in ’n ernstige of kritieke toestand in die stad het meer as drievoudig toegeneem van net meer as 50 tot 159 die afgelope Woensdag. Die totale sterftes weens die huidige uitbraak staan op 25, maar die getal nuwe infeksies het in die vier dae tot Woensdag elke dag afgeneem, tot 18,495 op Woensdag...

DEEL