Gaan dinge anders wees as ’n Julie 2021 ons wéér sou tref?

VERLEDE jaar se geweld het min of meer van 8 tot 17 Julie geduur. In dié tyd is 354 mense dood en het die sakesektor meer as R50 biljoen se skade gely. Die gevolge van die geweld was dat ’n geraamde meer as 200,000 werksgeleenthede in die slag gebly het nadat sowat 40,000 sakeondernemings in een of ander mate geraak is.

Kort op die hakke van die Covid-inperkings was die geweld nóg ’n terugslag vir die sakesektor. Heelparty kleiner ondernemings in veral KZN het nooit weer hul deure oopgemaak nie.

Die vraag is of daadwerklike stappe in werking gestel is om die sakesektor én inwoners vroegtydig te waarsku en te beveilig as sulke gebeure hulle dalk sou herhaal. En met inagneming van die steeds verslegtende sosio-ekonomiese situasie, insluitend werkloosheid, kragonderbrekings en immer stygende brandstofpryse, is ’n herhaling glad nie onwaarskynlik nie...