Die struikelende staat, AfriForum en Boer-maak-’n-Plan op steroids

DAAR behoort geen plek vir organisasies soos AfriForum en Solidariteit in Suid-Afrika van 2022 te gewees het nie.

Dit is ’n selfgeldende beweging van die gewese onderdrukkersklas wat eksklusief Afrikaans en Christelik is en “selfbestuur” bepleit, nou nie juis in harmonie met ons Grondwet wat nierassigheid in ’n sekulêre eenheidstaat soek nie. Ná eeue van wit oorheersing en onderdrukking voel ’n oplewing van Afrikanernasionalisme onvanpas en ongewens.

Ek self het die Solidariteit Beweging, waarvan AfriForum die meer “politieke” regte-organisasie is, al in die verlede van gevaarlike etniese mobilisering beskuldig. Ander kritici het dit al as die grootste gevaar vir ons demokrasie beskryf en in die breë swart gemeenskap het die naam AfriForum sinoniem met Afrikaner-arrogansie en selfs rassisme geword...