Minder kinders en duurder kunsmis (en ander wondere van die week)

Einde van die goeie tye

Volgende keer as jy en jou maters om die laaste sterwende kole van die braaivleisvuur kyk wie die swartgalligste oor die toekoms kan wees, kan jy 'n uitklophou plant met 'n aanhaling of twee uit die geopolitieke strateeg Peter Zeihan se boek The End of the World Is Just the Beginning: Mapping the Collapse of Globalization (https://zeihan.com/).

Kortweg is Zeihan se punt dat globalisering oor dekades heen tot 'n ongekende versnelling van industrialisering en welvaartskepping oor die hele planeet gelei het, maar dat dit net moontlik was omdat dit in die VSA se belang was om dit oral af te dwing. Natuurlik was daar 'n prys te betaal as jy nie by dié hegemonie wou inval nie, maar die alternatief is dalk veel erger. Globalisering het 'n vloekwoord geword by almal van die Trumpetters tot by die Brexiteers tot by Putin tot by almal wat bekommerd is oor 'n planeet wat ál warmer word, en boonop het die VSA sy aptyt verloor om GloboCop te speel en internasionale handelsroetes te beveilig. ..

Deel