Britse en SA vlieginstrukteurs wat Chinese oplei is ‘huursoldate’

“WE are taking decisive steps to stop Chinese recruitment schemes attempting to headhunt serving and former UK Armed Forces pilots to train People’s Liberation Army personnel in the People’s Republic of China,” het die departement van verdediging luidens ’n verklaring gesê.

Van dié stappe is onder meer om vertroulikheidsklousules by die uitdienstredingsvoorwaardes van soldate te voeg. Wysigings aan die Nasionale Veiligheidswetgewing dien ook tans voor die Britse parlement. ’n Spesiale klousule genaamd die skema vir buitelandse invloedregistrasie (Foreign Influence Registration Scheme) gaan vereis dat enige Britse burger wat deur ’n vreemde land se regering gehuur word die besonderhede van die diens moet verklaar. Dié stap sal na verwagting spioenasie en ander operasies met duistere motiewe aan bande lê.

Die hoof van die Britse spioenasiediens, MI5, het aan Sky News gesê Brittanje is tans in ’n strategiese stryd sonder weerga gewikkel teen lande wat sy nasionale veiligheid, demokratiese bestel en kommersiële entiteite wil ondermyn. China is naas Rusland een van dié vyande veral met inagneming van die toenemende spanning tussen Brittanje en China oor die posisie van Taiwan...