Swendelary as hogere kuns

WAT sê hulle van diefstal? Gaan groot of gaan tronk toe. Julle outjies wat doodluiters ’n druiwekorrel in Shoprite se vrugte-afdeling in julle kieste prop, moet julle misdadige weë laat staan. Ek vermoed julle het ’n groter kans om ’n oranje overall los te slaan as Markus Jooste.

Dié het mos per ongeluk 12 ekstra nulle op sy foon se optelmasjien ingetik het toe hy Steinhoff, sy destydse maatskappy, se waarde wou bereken. Dit was ’n ou foon, na wat ek verneem.

Sulke foute sluip maklik in, soos net laas week met Markus se kunsversameling gebeur het. Die sheriff het sy perd se leisels tussen ’n Lexus en ’n Kombi op Markus se werf vasgemaak toe hy daar aangedoen het op ’n welwillendheidsbesoek...