Politieke Notaboek | Sy Eksellensie President Shipokosa Paul Mashatile?

ONS weet nie mooi wat Cyril Ramaphosa se verduideliking is oor wat met die diefstal van sakke vol dollars van sy plaas Phala Phala gebeur het nie. Ons weet wel vandag dat as dit ’n klinkklare, eenvoudige verduideliking was, sou oudhoofregter Sandile Ngcobo en sy paneel wat die saak vir die parlement ondersoek, nie nog twee weke gevra het om hulle verslag te voltooi nie.

Volgens die parlement se woordvoerder, Moloto Mothapo, sê die regter die uitstel is geregverdig weens die “belangrikheid” en “kompleksiteit” van die ondersoek. (Wat is nou juis so kompleks, regter? Ek kan dit maklik vir jou vereenvoudig.)

Die paneel moes dié week aan die Speaker verslag gedoen het, maar het nou uitstel tot 30 November. Die paneel moet beslis of daar ’n prima facie-saak van wangedrag of onetiese of kriminele optrede teen die president is...