Politieke Notaboek | Die Isis-bedreiging: Ons spoke weet van niks

SUID-AFRIKANERS, julle is nie veilig nie. En nou praat ek nie eens van die meestal chaotiese en onbeholpe polisiediens nie, ek praat van ons intelligensiedienste.

Die regering het dié week vererg gereageer op die Amerikaanse ambassade se waarskuwing dat daar die naweek ’n terroriste-aanval in Sandton kan plaasvind. Twak, sê die minister in die presidensie wat ook die politieke hoof van staatsekuriteit is, Mondli Gungubele, waar’s die bewyse?

Maar nou blyk dit dat die minister bloot nie deur sy amptenare in staatsekuriteit ingelig is nie. Die Amerikaners het selfs sewe moontlike verdagtes van die Islamitiese Staat (Isis) geïdentifiseer, maar die amptenary het dit nie in hulle weeklikse veiligheidsverslag aan die regering ingesluit nie...