Politieke Notaboek | O, hoe het die RET-helde geval

SUID-AFRIKA begin stadigaan die ANC se RET-faksie in perspektief sien. Gestroop van raserige retoriek en van 'n groot teenwoordigheid op sosiale media is dié faksie, geskape na die beeld van Jacob Zuma, eintlik nie veel meer as 'n splintergroep nie.

Cyril Ramaphosa is onteenseglik baas van dié plaas. (Sy regte plaas se naam is Phala Phala.)

Dit is goed om nou te onthou dat Ace Magashule kort ná die vorige verkiesing van ANC-leiers in 2017 waar Ramaphosa tot president verkies is, by 'n ANC-funksie met groot selfvertroue belowe het dat dié “fout” in 2022 reggestel sou word. En kyk hoe lyk Ace nou...