Die medisyne vir historiese trauma

EK het op dié tema beland toe ek die laaste week verskeie verslae, nuusberigte en dokumentêre oor die huidige konflik tussen Israel en die Palestyne onder oë gehad het.

Dit is nie die plek om hier dié komplekse konflik te ontleed nie. En, laat ek dit maar vir die rekord sê, ek was al in Israel en die Palestynse gebiede en het begrip vir albei kante se vrese en drome. In beginsel is die Palestynse weerstand teen die Israelse besetting én Israel se verdediging van sy eie burgers legitiem.

Dit was die Israeli’s se aggressie, wraaksug en bloeddorstigheid wat my nou weer getref het. ’n Jong Palestynse militante, Khairy Alqam, het verlede week sewe Israeli’s in Oos-Jerusalem doodgeskiet voordat hy ook doodgeskiet is. Die Palestyne verwerp Israel se besetting van dié eens Palestynse gebied...