Die peillose niet van die mafiastaat

DIE Suid-Afrikaanse ekonomie het in die laaste kwartaal van 2022 met 1,3% gekrimp. Dis veel erger as wat ekonome verwag het en is ’n herhaling van die derde kwartaal van 2021 toe die Julie-onluste en die gepaardgaande plundering en brandstigting die ekonomie ’n beraamde R50 biljoen gekos het.

Op die oog af is die krimping van die ekonomie net nóg ’n lekseltjie slegte nuus, maar in werklikheid is dit ’n katastrofale tendens wat Suid-Afrikaners nóg armer, nóg meer werkloos en nóg meer uitgelewer aan misdaad gaan laat.

Statistieke SA sê die ekonomie is nou net 0,3% groter as in 2019, net voor die uitbreek van die Covid-pandemie. Maar intussen het die bevolking met 3,5% gegroei...