Boeke | Geen einde aan huishoudelike geweld nie

EK kan nie onthou dat ’n boek my al ooit so ontstel het soos It Ends with Us deur Colleen Hoover nie. Vir ure nadat ek dit neergesit het, was ek nog dwalend. Ek wou net huil. Dis tog nie die eerste keer dat ek van mishandeling binne ’n huwelik lees nie. Nog onlangs het die plaaslike leeslandskap asem opgehou oor So lyk ’n vrou van Ilse Verster wat 40 jaar lank deur haar man aangerand is. En ek het al professioneel te doen gehad met hoevéél vroue wat op verskillende maniere deur mans verrinneweer is.

Familie wat anderpad kyk

Jare gelede het ek ’n vrou uit haar huis gaan verwyder. Papgeslaan, sonder enige emosionele energie om haarself te red en met familie wat anderpad kyk. En nadat ons haar by ’n veilige plek afgelaai het, het ek en die polisieman wat my vergesel het, lank koponderstebo by die motor bly staan. Stomgeslaan – wat ’n ironiese woord! Siek van geweld. My destydse beroep as maatskaplike werker het ek verwens. Ek het elke maand bedank. En dan maar weer opgedaag. Ek het gedink dis omdat ek omgee, maar later is dit net ’n werk...

DEEL