Vyf nuwelinge vir lesende speurlustiges

IN die spektrum van vreemde verslawings is dié wat mens algaande ontwikkel om soveel moontlik unieke speurverhale te wil lees sekerlik een van die gesondstes. Daar was al tye waarin ek ernstige kommer gehad het oor hierdie kompulsie, maar mens besweer dit gou deur ’n boek te gryp deur ’n skrywer van wie jy nog nooit gehoor het nie.

Ek bevind my nou in so ’n tyd, en die vrugte van my genesende soektog lys ek hieronder. (Sonder om nou te veel klem daarop te lê, bevind ons ons in ’n brandmaer oksel van die tyd – in die Top 20 van verkopers in die Amerikaanse mark is daar vyf titels deur Colleen Hoover. Al maande lank. Dat sy nie van haar troontjie gestoot word nie, is ’n teken van hoe min nuuts deurkom.)

Ek het nog altyd gevind dat ek troos kan vind in een van Dorothy L. Sayers se Lord Peter Wimsey-romans, of ’n Agatha Christie-boek waarin Hercule Poirot die speurder is. Helaas is ek ook alte bewus daarvan dat Sayers en Christie vir my meer ’n saak van nostalgie en ’n terugverlang na my jeug is. Wat ek nodig het, weet ek, is speurverhale waarin die plot en die oplossing van die sentrale raaisel ’n absoluut unieke patroon het...

DEEL