Die sielkunde van waagmoed en die keuse om gelukkig te wees

ONS praat oor ’n gemeenskaplike vriend wat vasgevang (en uitermate geïnteresseerd) bly in sy traumatiese kinderdae. “Goeie genade,” whatsapp my vriend my. “Dit is darem te erg. Dit is nooit te laat om ’n gelukkige kinderlewe te hê nie.”

Die siening klink dalk ’n bietjie wreed en ongenadig, maar daardie stelling kon direk uit Alfred Adler se mond gekom het. Adler was ’n Oostenrykse dokter en psigoanalis wat op ’n tyd deel van Sigmund Freud se psigoanalitiese kring was, maar mettertyd skepties geraak het oor Freud se siening dat die reguleerder van alle menslike gedrag seksueel van aard is, en gefrustreerd met die absolute noodwendigheid van die onbewuste.

Hy het sy eie teorie oor “individuele sielkunde” ontwikkel...