Boeke | Brooklynbrug, ’n droom en ’n gedig

IN Mei 1883, met feestelikheid en kanonskote, open die Brooklynbrug oor die East River tussen Manhattan en Brooklyn.

Die beplanning en bou was ’n groot gestoei tussen orde en verbeelding. Op die rivierbodem moes werkers in lugdrukhokke sweet om die fondamente van die ankertorings uit kleigrond, graniet en miljoene jare se basaltlae te kap. Saam met natuurkragte en staalkabels het die plan bymekaargekom, alles saamgevat en ’n brug gemaak.

Dadelik was daar stories, musiek en gedigte. Watter beter manier om ’n brug te bou? Want ’n brug is tog nooit net ’n brug nie. Daarvoor is daar heeltemal te veel simboliek – ’n brug as samekoms of skeiding, ’n verbintenis of ’n grens, ’n terugkyk na die verlede, hoop op ’n toekoms, ’n reënboog, die begin of die einde, lewe en dood, ’n spirituele oomblik tussen wêrelde; die verbrande brug en die afgesaagde een oor “troubled waters”...

DEEL