Steyntjie Barber was ’n perdeman

RIVERSDAL SE DINGE VAN DESTYDS

Steyntjie Barber was ’n perdeman

Daar staan hy teen die rooi-en-wit pilaar voor sy barbierwinkel, pure Mafia in sy swart snyerspak. Oorkant die pad in die Princess-kafee sit twee dogtertjies, LAUREEN ROSSOUW, en haar maatjie Kumi, en spaai op die skelm Steyntjie.

JY’T hom altyd teen die pilaar met die rooi en wit strepe in die Hoofstraat sien staan. Die maer man in die swart snyerspak met die geel angelier op die lapel, bene lui oor mekaar gevou. Soms het hy aan ’n sigaar gesuig, ander kere aan ’n pyp. Casual stylish, eerder as smart. Sy groet was onpersoonlik, maar die boodskap was duidelik: “If you’re looking for trouble, you’ve come to the right place.”

Die binnekant van Steyn’s Hair Saloon is uitgevat in chroom en swart leer. Art Deco – op die Mafia gestyle. Waar hy daaraan kom, het niemand geweet nie, want hy het nie veel gelees nie, ook nie eintlik gefliek nie; hy was ook nie ’n showman nie. Ons het hom wel party Saterdae by die matinee gesien, maar hy’t net vir die voorprente gebly en ná die serial uitgeloop.

Die ding was, Steyntjie was nie ’n haarkapper nie. Hy was ’n perdeman. Die haarkappersalon was die front vir die Tattersalls. Sy klante, dobbelaars en punters. Hy was die agent vir die bookies in die Kaap, die perdespelers op Riversdal se go-to man en my maat Kumi se pa. Dobbel was ’n sonde en die Tattersalls onwettig. Bedags het hy die ingang van sy Saloon heilig bewaak en saans saam met die Du Preez-broers vuurhoutjies gespeel in die Royal Hotel. Sondae was hy in die kerk...

Registreer gratis om hierdie artikel te lees.

Hallo! Welkom by Vrye Weekblad. Ons inhoud is nou in Afrikaans én Engels beskikbaar.

Al wat jy hoef te doen om gratis te begin lees, is om met jou e-pos te registreer en ’n wagwoord te skep.

Om dit te doen, kliek eenvoudig op “REGISTREER”.

Reeds geregistreer? Kliek op “MELD AAN” om voort te gaan.

Vir nuwe VWB 3.0-navrae: WhatsApp 071 170 8927 (net vir teksboodskappe) of stuur 'n e-pos aan hulp@vryeweekblad.com.