McKinsey: in die smerige onderbuik van die wêreld se voorste ...

TENTAKELS VAN ONHEIL

McKinsey: in die smerige onderbuik van die wêreld se voorste bestuurskonsultante

ANNELIESE BURGESS is nie onbekend met die wêreld van internasionale bestuurskonsultante nie, maar 'n boek oor McKinsey deur twee van Amerika se voorste ondersoekende joernaliste het haar stomgeslaan. Die Zondo-kommissie het dié firma se immorele optrede by Transnet en Eskom blootgelê, maar ons weet byvoorbeeld minder van hulle rol in die opioïed-krisis in Amerika en hulle vingerafdrukke op die moord van die Saoedi-Arabiese joernalis Jamal Khashoggi.

TOE ek as kommunikasiekonsultant aangestel is op ’n projek saam met een van die voorste internasionale sakebestuursfirmas, was dit vir my ’n vreemde wêreld. Die lingua franca is PowerPoint-“decks” en Excel-spreadsheets. En deliverables en project meetings en 18-uur-dae. Enigiets minder as dit, en jy word gebrandmerk as iemand wat nie ’n spanspeler is nie.

Jy word geleer om in te smelt by jou omgewing. Donker pakke en bedeesde dasse. ’n Stringetjie pêrels vir die vroue. Daar is ’n ysere hiërargie. Jou opinie tel net as jy gevra word om dit te deel. En dan praat jy steeds meer met jou “deck” as met jou mond. Die kliënt is koning. Jy is ’n onderdeel in ’n geoliede masjien wat meedoënloos gerig is op optimisation en streamlining, prosesse en kostebesparings. 

Hierdie wêreld het weer in my herinnering opgebloei toe ek begin lees het aan When McKinsey Comes to Town deur Walt Bogdanich en Michael Forsythe, twee van The New York Times se voorste ondersoekende joernaliste. Die boek het my stomgeslaan...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.