Chris Yelland: ‘Ons het nie ’n energiekrisis nie; ons het ’n regeringskrisis’

LUISTER ’n mens so na Chris Yelland se gesels oor sy grootwordjare, is dit maklik om te glo dat hy voorbestem was om ’n elektriese ingenieur te word. Hoe dan anders met ’n pa en ’n oom wat albei elektriese ingenieurs was, en ’n ambagsman-oupa wat ’n ingenieursfirma begin het?

Maar hy is glad nie in ’n spesifieke rigting gedruk nie, vertel Chris tydens ons Saterdagmiddag-gesprek. “My pa het maar net my belangstelling in wetenskap gestimuleer,” onthou hy kleintyd se geskenke, soos ’n chemie-stelletjie, en die Amerikaanse tydskrif LIFE waarop sy pa ingeteken het. “Ek het dit verslind!”

Die een geskenk wat waarskynlik gesorg het vir ’n lewenslange belangstelling in elektriese ingenieurswese, was egter die kristalradio’tjie wat hy en sy pa saam gebou het. Om op sy bed in Durban te sit en na LM Radio se treffersparade te luister was “soos magic”...

Deel