Die toekoms (en die verlede) van reis

LANK, lank gelede was “oorsee” ’n veraf land.

Feitlik al omstandighede waarin gewone Afrikaners dit in die vreemde kon waag, was onder die vlerk van die dominee of ’n ander geestelike leier op ’n toer na die Heilige Land.

Vir meer gegoede avonturiers was daar ook die vooruitsig van Oberammergau, die Beierse dorpie waar die Passiespele elke 10 jaar plaasvind – ’n omvangryke konsert oor die lydensweg wat ironies genoeg ontstaan het as ’n transaksie met ’n hoër mag om die Groot Plaag van die 17de eeu af te weer...