Afrika, die wêreld se volgende djihad-slagveld

DIE “oorgawe", “kapitulering", “nederlaag", “onttrekking" – of wat jy dit ook al wil noem, afhangend van waar jou steun lê – van die VSA in Afghanistan het 'n ou debat onder militêre historici, veiligheidsontleders, generaals, soldate en 'n mengelmoes van oorlogstokers en vredemakers oor die wêreld heen veroorsaak. 'n Debat woed rondom twee sleutelvrae: Is 'n veldtog teen insurgensie of terreur ooit regtig suksesvol? En wat presies definieer die “sukses" of “mislukking" van sulke strategieë?

Diegene wat konflik vir 'n lewe bestudeer, stem in die algemeen saam dat “moderne" insurgensies (ook bekend as bevrydingsoorloë, rebellies, revolusies, guerrilla-oorlogvoering of terrorisme, weer eens afhanklik van aan wie se kant jy is) kort ná die Tweede Wêreldoorlog begin het. 

Sommige isoleer die oorsprong van hierdie tipe konflik in Maleisië, toe die Maleisiese kommunisteparty se gewapende vleuel in 1948 teen die Britse bewind begin veg het. ..