Duitse tjek soos bok op ’n klipaltaar in Windhoek?

DIE menseslagting in Namibië waartydens duisende Namas en Herero’s tussen 1904 en 1908 doodgemaak is, haal tans weer die nuus.

Duitsland het ná meer as ’n eeu om verskoning gevra en $1.3 biljoen aan Namibië geskenk. Die geld is geoormerk vir volhoubare ontwikkeling oor die volgende 30 jaar. Volgens die media het die Duitsers dit baie spesifiek en omsigtig as sodanig bewoord, naamlik dat die geld vir volhoubare ontwikkeling is.

Die debatte oor Duitsland se erkenning van ’n volksmoord op die Herero- en Nama-mense en die skenking woed steeds. Enkele dae gelede nog is berig oor betogers buite die parlement in Windhoek waar die debat oor die aanbod gevoer word...