SA Poskantoor: Hoe die kierankies gebraai het

DIE Suid-Afrikaanse Poskantoor (SAPK) is in Februarie onder voorlopige likwidasie geplaas nadat ’n verhuurder dié instelling weens onbetaalde huurgeld hof toe gesleep het.

Die Poskantoor se mees onlangse finansiële state toon dat skuldeisers meer as R4,4 biljoen geskuld word. En die skuld oorskry die bates met meer as R4 biljoen. Dit beteken dat dit tegnies insolvent is. (Ofskoon die Poskantoor sedertdien hierdie spesifieke maatskappy betaal het en aangedui het dat vir ’n opheffing van die likwidasiebevel gevra gaan word, is daar baie ander skuldeisers.)

Ná die hofbevel het die DA gesê die Poskantoor was “’n bodemlose put" en dat likwidasie die laaste strooi kan wees vir “een van die swaks bestuurde entiteite in die kommunikasiedepartement”. ..