ANDERKANT MET ANESCA SMITH

Wat gaan van die wind word?

ANESCA SMITH droom oor ’n sagte lentebries uit Noord-Afrika en vertel in die woorde van die karakter Almásy in The English Patient oor ander winde in die wêreld. DEBORAH STEINMAIR vertel meer oor die Boeke- en Vrye Tyd-stories in ons jongste uitgawe.

15 April 2023
Daagliks
3 min om te lees

Met die lente wat net nie aan die gang kan kom hier langs die koue Noordsee nie, begin ek teen dié tyd al oorromantiese idees ontwikkel oor wat ek die komende somer wil doen.

Net verlede week was die koue weer so onverwags dat ek my handskoene by die huis vergeet het. Eenmaal voor my kantoordeur duur dit ’n tydjie voor my veryste vingers die krag het om die sleutel te draai en na binne te gaan.

Daar is ’n pragtige toneel uit die rolprent The English Patient waar die karakter van Ralph Fiennes (Almásy) tydens ’n sandstorm in die woestyn saam met sy geliefde opgesluit in ’n jeep sit en hy haar oor die verskillende winde in die wêreld begin vertel:

“Let me tell you about winds.

“There is a whirlwind in southern Morocco, the aajej, against which the fellahin defend themselves with knives. There is the africo, which has at times reached into the city of Rome. The alm, a fall wind out of Yugoslavia. The arifi, also christened aref or rifi, which scorches with numerous tongues. These are permanent winds that live in the present tense.

“There are other, less constant winds that change direction, that can knock down horse and rider and realign themselves anticlockwise. There is the hot, dry ghibli from Tunis, which rolls and rolls and produces a nervous condition. The haboob – a Sudan dust storm that dresses in bright yellow walls a thousand metres high and is followed by rain. The harmattan, which blows and eventually drowns itself into the Atlantic. Imbat, a sea breeze in North Africa. Some winds that just sigh towards the sky.”

Ek kan my voorstel dat ’n karakter soos Almásy aanklank vind by die wind. Keer op keer in die fliek benadruk hy sy begeerte om nie besit te word deur ’n ander of deur landsgrense ingeperk te word nie. Net soos die wind.