Nostalgie: Mandela oor Afrikaners, wit vrese en taal

EK sit die oggend van 20 Februarie 1990 agter my lessenaar in Vrye Weekblad se ietwat chaotiese kantoor in Newtown, Johannesburg, toe die telefoon lui en die man aan die ander kant in Afrikaans sê: Goeiemôre, dit is Nelson Mandela wat praat.

Is dit 'n poets, of kan dit wel die legendariese Robbeneiland-ikoon wees wat 'n week tevore uit die tronk gestap het? Die aksent en die stem het my laat saamspeel, net ingeval dit wel hy is.

Dit wás toe Mandela. Ek het in 1989 'n ope brief aan hom in Vrye Weekblad geplaas omdat ek geweet het hy was 'n intekenaar en sou dit lees. Hy hét dit gelees, verseker hy my, en voel so sleg dat die tronkbase hom nie toegelaat het om te antwoord nie dat hy dit nou in persoon wil doen. Sy lyfwagte wil hom nie toelaat om Newtown toe te gaan nie, so sal ek omgee om die volgende dag by hom in sy huisie in Orlando-Wes te gaan tee drink?..

Deel