’n Lewe van téén die wind in vorentoe beur

IN die Berghof-aftreeoord in Kaapstad bel die ontvangsdame na Sanders se woonstel om te laat weet sy het ’n gas. Sy sal self afkom om my te kom haal, laat weet sy. Ek wou nog gaan sit en wag, toe staan sy al daar: masker op die gesig, kierie in die hand, geklee in ’n denimbroek en ’n wit-T-hemp.

Van haar stoepie wat hoog teen Leeukop uitkyk, wys sy na al die mense daar waar sy ook vroeër gereeld berggeklim het. Die rooi malvas in die potte op die stoepie het sy van Piketberg af gebring. Haar tuisdorp.

“Ons het die huis daar nie te lank gelede nie verkoop,” sê sy. Die een oorkant die NG kerk in Hoofstraat, waar haar ouers, Jacob en Sonia Katzeff, ’n lewe gaan maak het nadat hulle in die 1920’s uit Litaue geëmigreer het...