’n Ander ek

EK is nie die persoon wat ek nie is nie. Maar ek wonder dikwels oor haar.

In die boek On Not Being Someone Else: Tales of our Unled Lives vind ek woorde vir die onbeskryflike gevoel dat die ongeleefde weergawe(s) van myself iets in my huidige lewe beteken. Ek verdiep myself in die literêre skolier Andrew Miller se idees dat elkeen van ons nog altyd net hierdie één kans gehad het. Vir mense soos my ouers was die paadjie eenvoudig: Kry ’n werk, trou, kry kinders, en pluk die vrugte van dekades se harde werk binne stelsels wat nie hul finansiële of sielkundige belange op die hart gedra het nie.

Vir ons (die kinders), is dit ’n bietjie anders, behalwe dat ons nie net ten alle koste al ons draaie en paadjies en besluite moet oorleef nie, nee … ons moet floréér. Of só word daar vir ons gesê...